蛇王

「我尋晚發夢見到你俾蛇咬！你今日出門小心點！」姊姊驚慌地對我說。

「講乜呀你！」

我姊繼續說：「條蛇係黑色的，個頭好大，纏住你條頸。我叫你撻死佢，你就無啦啦拎起條蛇打結...跟住我叫你放條蛇落膠袋度撻死佢就得，打乜鬼0野結。點知，話口未完就比蛇咬！」

我忍住笑，繼續追問「跟住點呀！」

「跟住你條頸有兩個牙印，慢慢變黑‧‧‧」

明顯地，我並不關心這些牙印。我不耐煩地問「我跟住點呀？」

「你暈低左囉，跟住我嚇醒左‧‧‧」

「嘿嘿‧‧‧哈哈‧‧‧」我忍不住笑了，打趣道：「你都唔Logic既，我夠膽拎起條蛇打結，我就係蛇王X、蛇王Y啦，蛇王有抗體，怕咩俾佢咬。」

我姊忽然變起陰險的咀臉來，咀角微撓「是呀，你根本就是蛇王，仲要係賴皮果種。哼！」
唉！給妳乘虛而入‧‧‧

可是，由妳的這個夢、妳的神情，我感到妳對我的關懷。謝謝妳！~~